Tredje dag i pappapermisjon

I dag har vi brukt ein del tid på veven (eg trur eg likar å kalle det for veven). Eg tenkte det var på tide at han minste vart presentert for sjølvaste veven.

I morgon skal han lære noko anna. Eg veit ikkje kva, men eg kjem nok på det etter kvart.

På veven besøkte vi andre som hadde permisjon og skreiv om det på veven sin (egentleg skreiv dei om det på bloggen sin, men eg kjem ikkje på eit fint nynorsk ord for blogg. Vev er finare).

Dei fleste som har permisjon og skriv om det på veven er jenter, eller kanskje damer. Det veit ikkje vi heilt.

Permisjonsdamene på veven skriv om fine ting og så legg dei ut bilete av husa dei bur i. Og så legg dei ut bilete av ungane dei skal passe på mens dei har permisjon. Ungane er sikkert veldig heldige.

Her er eit bilete av veggen vår.

Den har svarte striper. Det er fordi ungane sit på svarte stolar her i huset og så likar dei å gni stolane inntil veggen. Eg har ikkje tenkt å gjere noko med det før ungane flyttar ut av huset.

Advertisements

og så var vi i gang, igjen

det er på tide å ta av seg jakka, brette opp skjorta, ta på seg smekka, legge nokre våtserviettar i lomma, rulle ut vogna og hoppe ut i det. Og det er på tide å riste denne bloggen i livet att.

Måndag byrjar alvoret. Nye 12 veker med pappapermisjon ventar meg og unge lovande Sjur.

skal du blogge denne gongen også?

Jepp, det skal. Sidan dere spør så fint. Her er resultatet av førre pappapermisjon. Dere skal få dag-til-dag-rapport strippa for mote, interiør, design og anna ræl.

kollasj-blogg med bodskap

La meg få anbefale ein blogg i dag. Ein ganske så fasinerande og ansleis blogg. Ansleis fordi det er ein kollasj-blogg. Ein kollasj-blogg med bodskap.

skjermbilete frå verdenmedeirik.blogspot.com

 

Bloggen heiter «Verden – en bruksanvisning for barn» og er laga av Eirik Strandabø.

 

Pappaperm dag 13

Ny dag i åpen barnehage i dag. Vi introduserte konseptet til Herr J og vesle T. Her forklarar minsten konseptet rulle.

Men, så vart det handgemeng. Ein liten rakkar angreip minsten når han minst venta det. Blod og tårer hagla og minsten gløymde heilt å ta att.

Etter at minsten hadde fått turka tårer og blod og etterkvart samla seg, tok han opp angrepet med far til den vesle rakkaren. Minsten trua med søksmål mens eg holdt meg taus i bakgrunnen.

Til slutt sovna minsten og vesle T utanfor ein fin café…

…og det passa Herr J og meg fin-fint slik at vi kunne drikke latte og diskutere blogging.

Stor trafikk til bloggen min

Dette er forteljinga om eit blogginnlegg:

I følgje loggen var det februar 2009, men eg trur blogginnlegget vart skrive lenge før det. Twitter var nytt og tøft for kvarmannsen og alle kasta seg på. Eg satte opp ei liste over politikarar som hadde ordna seg ein Twitterkonto. Lista voks og mange gav meg innspel på nye politikarar som testa ut dette spennande mediet. Etter kvart var dei fleste komme seg på Twitter og nye og grundigare oversiktar dukka opp. Eg gav lett opp politikere-på-Twitter-oversikt-prosjektet mitt og skreiv vidare på andre rare blogginnlegg.

Og no er det ei god stund sidan eg blogga i det heile. Ikkje noko å fortelje. Står litt stille for meg. Kan like greit halde kjeft.

MEN, i kveld stakk eg innom og studerte statestikksidene til WordPress litt. Og eg vart overraska, faktisk.

Blogginnlegget eg snakkar om over hadde trekt 56 besøk åleine den siste veka. Skal seie mange leser gammalt stoff, tenkte eg. Og så sjekka eg litt til:

• Blogginnlegget har til saman hatt 9 327 besøk!!!!
• I 2009 var det i snitt 26 personar innom innlegget kvar dag
• I 2010 har dette (heldigvis) falt til 4 besøk per dag, men likevel…..?!
• Dette er litt moro 🙂

Så, kvifor?

• Eg har vore heldig.
• Større sider har i periodar lenka til innlegget.
• Eg har, utan å vite det heilt sjølv, blitt god venn med google. Alle som søkjer på «twitter» og «politikar» får meg på topp

Kva skal eg gjere no?

• Burde eg berre fjerne innlegget? den er jo utdatert…..
• Burde eg berre la innlegget vere? kjekt med trafikk til sida mi…
• Burde eg få meg eit liv? yupp

vel?

(eg er fortsatt på Twitter, om ikkje anna….)

Ting ein ikkje treng å gjere i juli:

• 

  CC fra Flickr av johnivara

  vere inne: Det mest sjølvsagte, for mest mogleg ute er nok det beste.

• ete for mange grilla pølser: Min erfaring er at ein kan godt grille mykje anna mat. Resultatet er at kroppen blir meir nøgd med anna mat enn pølser. Altså!
• bade i kaldt vatn: For ein kan til dømes bade i varmare vatn. Ein treng ikkje bade i ein fjord med 50 prosent brevatn. Eg veit at det finst varmare vatn i juli ein kan bade i utan at kroppen treng det ekstra fettet for å forsvare seg.
• skrive på Facebook kva ein held på med heile tida: Det er betre å kvitre, om ikkje anna.
• jobbe: men ofte må ein jobbe likevel, for ein kan ikkje ha fri heile tida. Tenk om alle skulle ha fri i juli…?? Vent, det kan verke som om alle faktisk har fri i juli, bortsett frå meg. Filleren!
• prøve sommarbuksa som ein kjøpte for fire år sidan og som endå ikkje passar akkurat slik den skal: Planen var at den skulle vere laus og ledig. Den er nok litt stram, i år også.
• blogge om tull og ingenting:

Eg saknar ein indeks for tid (R)

Eg saknar ein indeks for tid. Grunnen til dette saknet er at eg ønskjer å kjøpe litt ekstra tid, i tillegg til dei 24timane eg har fått utdelt. På same måte som vi har indeksar for olje, gull, havre og Big Mac treng vi ein indeks for tid. Har vi ein indeks veit vi til ein kvar tid kva tid kostar. Det burde komme ein internasjonalt standard på kva ein time er verd. Det er med andre ord på tide å få tida på børs.

(From Flickr by ToniVC (CC))

Tenk om eg kunne vakne, hente meg ein kopp kaffi, bla opp i Aftenposten og finne ut at i dag kostar ein norsk time 153kr, to prosentpoeng opp frå i går. Samtidig kunne eg lese at ein amerikansk time har tapt seg i verdi i forhold til ein europeisk time. Grunnen til dette verditapet er at det kvite hus har sløsa med tida. Når vi får tida indeksert og på børs kan eg til ein kvar tid vurdere om eg skal investere i nokre ekstra timar. Slik som i dag, då eg vakna, hadde eg intenst behov for nokre timar ekstra. Den ekstra tida kunne ein, til dømes, selje over disk som skrapekort. Ein kunne ha skrapekort med verdiane 1, 2, 5 og 10 ekstra timar. Tida er for statisk, slik det er organisert i dag. Vi treng i større grad dynamisk tid.

Det er sommar og tid for reprise. Dette blogginnlegget vart fyrst skrive 8. november 2005 på min gamle blogg «The little family blog«.

beina i fjorden

ein blogg skal aldri byrje om at ein bloggar for lite eller at det no er lenge sidan sist ein har blogga.

ein blogg skal helst ikkje byrje som ein blogg, men finne seg til rette i eit bloggrammeverk av det finaste slaget og helst stikke seg ut slik at klikk-statistikken gjer ein sjølv stolt som ein hane.

Eg har byrja på ein ferie. Kan hende eg trengte det no. Etter fram og attende og ein busstur saman med junior, er eg trygt plassert heime hos mor og far. Her får eg fleire overdosar frisk luft, god mat og fleksitid. Her får eg klyppe hekken, måke slam, plukke bær, køyre pickup og leike.

Kan hende eg er for gammal for det meste, og for ung (i sinnet) for alt det andre som ikkje er det meste. Kan hende ein ikkje burde vere så veldig naiv. Eg trur likevel sommaren vil varme godt opp, legge til rette og gjere hausten klar for fleire utfordringar.

Politikken.info

Min gode venn Håvard Eide (@eide) har samla saman ein del politiske RSS’ar på ei eiga side – politikken.info. RSS’ane er henta frå partia sjølv, media og politikarar på Twitter. På sida kan ein til dømes hente ut ein eigen Politikere-på-Twitter-RSS. Twitterlista er henta frå denne oversikta eg har laga på denne bloggen.

 

Eide tek stadig imot nye idear på korleis han kan utvikle sida.

Kanskje ein burde kunne kommentere dei enkelte elementa som kjem inn? Sortere etter parti? Hente inn kommentarar som kjem på dei politiske bloggane?

Anbefalar alle som skriv på nett…

… å lese denne artikkelen frå Ordlysten. Drammens Tidene har komme fram til nokre retningslinjer for god nettredigering. Her har alle som skriv for nett mykje å lære