Tag Archives: barnehage

Barnehageplass

Det er mykje spennande med våren. Kjem snøen til å smelte? får vi oppleve varme på nytt? blir plenen grøn i år også? passar kortbuksene?

Noko av det mest spennande er spørsmålet om barnehageplass. Får vi barnehageplass? kor får vi barnehageplass? eller må vi berre levere minsten tilbake der han kom frå?

I går fekk vi barnehageplass og minsten og broren til minsten smilte breit frå det eine øyra til det andre.

Våren er kommen, sommaren er planlagt og hausten er redda. Kan ikkje bli mykje betre!

Kommenter innlegget

Filed under Uncategorized

Siste pappapermdag

Kl2130 åpna eg ei flaske vin for å feire noko eg ikkje var heilt sikker på om eg skulle feire med ei flaske fin vin.

Kl1430 henta eg minsten i barnehagen. Det var berre flaks som gjorde at eg tok med meg rett minsten heim. Alle dei små ungane hadde måla seg i andlete fordi det var karnevall. For det blir ikkje karnevall om ein ikkje kan måle seg i andlete. Helst med mangen fargar.

Kl1100 i dag fant eg ut at dette var siste dag i pappapermisjon. Det var like greit å komme fram til denne konklusjonen så tidelig på ein fredag. Eg trengte resten av dagen til å gjere andre ting. Kunne ikkje berre tenkje på pappaperm heile dagen heller.

Kl1900 var eg på teater. Det er ikkje ofte eg er på teater. Det er nok derfor eg gleda meg litt. Men dei banna så mykje på teater. Trur ikkje junior hadde godt av det.

Kl1200 i dag la eg eit brev til NAV i postkassa der eg ba om lov til å byrje jobbe på måndag att. No reknar eg med NAV handsamar søknaden i helga og ringer meg søndag kveld med beskjed om at eg kan få lov til å gå attende på jobb.

Kl0830 i dag leverte eg minsten i barnehagen. Han gleda seg. Dei skulle måle seg i andlete. Dei skulle ete pølser og. Minsten skjønte at det var mykje moro i vente.

Kl2230 sovna eg i sofaen. Realitetane vart lagt under sofaen.

Kl0900 lurte eg på kva eg skulle finne på i dag. Eg ville prøve å komme fram til ein heilheitleg plan for dagen.

Kl1300 kjøpte eg sparkel og pussepapir. Det passar å byrje på ein prosjekt no som eg IKKJE skal ha meir fritid heime. Eg kan bruke kveldana og helgane til å sparkle. Tur eg skal sparkle heile huset. Kva som skjer etter sparkel er eg meir usikker på.

Kl1056 vurderte eg å gå på jobb sjølv om eg er i pappaperm.

Kl2140 smakte vinen veldig fruktig.

Kl0600 vakna minsten og var svært så klar for fars havregraut.

Kommenter innlegget

Filed under pappaperm

Pappaperm dag 38

I dag skulle minsten teste barnehagen heilt åleine, lenge. Eg hadde gløymt å planlegge for ein slik dag og vart med eit sittande åleine i huset med ingen planar. Eg har i utgangspunktet ikkje noko imot tid for meg sjølv. Fint at det er stille. Men det går ei grense ein plass.

Grensa gjekk etter den fjerde kanna med kaffi.

Junior er i ferd med å løyse lesemysteriet. Her om dagen sat vi på bussen.

– Pappa, kvifor stå det AMEN på bussen? Er det i tilfelle vi skulle kræsje og dø og må komme oss til himmelen fort?

– Ja, det kan godt hende, svarte eg. Det er fint å komme oss fort til himmels om det skulle skje noko uventa. Men det hadde vore fint om du prøvde å lese dei tre bokstavane ein gong til slik at vi ikkje treng å tenkje på himmelene på ei stund.

– MAN, las han før han fortsatte: – Synd, hadde vore like greit om jentene kunne køyre buss også.

Kommenter innlegget

Filed under pappaperm

Pappaperm dag 36

Ei ny spennande veke er i gang, folkens. Det mest spennande er at minsten hadde sin fyrste dag i barnehagen i dag.

Og når far skal øve seg på å frakte to søner i barnehagen blir det havregraut til frukost.

Gode og mette var det fyrst levering av son nummer ein i skogen.

Og så var det tid for å teste ut minsten sin barnehage.

Og barnehagetestinga gjekk som smurt og minsten hadde det bra og eg fekk lese avis og alle gleda seg til vi kom att neste dag. Reknar eg med.

Men kvifor flaggar dei på Oppsal i dag, att?

Stadig flagging på gang. Slik eg ser det.

Kommenter innlegget

Filed under pappaperm

Pappaperm dag 33

Ein ny vanleg kvardag i heimen banka på døra og serverte oss frukost.

Vi fortsatte dagen med å øve på barnehage. Det er viktig å øve seg. På måndag byrjar alvoret.

Og så måtte vi øve på å sove. Eg gjekk ein laaaang tur. Minsten vart meir og meir blid.

Og eg avslutte dagen i garderoben til symjebassenget der junior lærer seg å symje. Fordi det er viktig å kunne symje.

 

Kanskje viktigare enn å spele fotball.

Kommenter innlegget

Filed under pappaperm

Pappaperm dag 27

Når ein har to barn og skal rekke ting kan det fort bli mas. Mitt beste triks er å gjere det meste om til konkurranse. Det er viktig at det er premie til vinnaren, men ikkje så viktig kva som er premien.

Korleis bli ferdig med den evigvarande frukosten?

«Fyrstemann som et opp skjeva si får lov til å drikke opp mjølka si. Sistemann er ein frosk.»

 

Korleis få på kleda i fornuftig tempo?

«Fyrstemann som kler på seg får middagen servert fyrst i ettermiddag. Sistemann er eit dådyr.»

«Fyrstemann som blir ferdig med tannpussen OG har dei finaste tennene (her er det viktig med ein kvalitetsindikator) får lov til å ta på dressen sjølv.»

Konkurransetrikset funkar ALLTID.

 

Det beste med å ha junior i friluftsbarnehage er at minsten og eg får ein god og frisk start på dagen.

Og slik fekk vi tid til å teste ut ein ny åpen barnehage i dag. Denne gongen lot eg vere å skape kaos slik eg gjorde førre gong vi testa ut åpen barnehage.

Kommenter innlegget

Filed under pappaperm

Pappaperm dag 18

I går fekk vi barnehageplass og i dag var vi på besøk for å sjekke ut situasjonen. Minsten var spesielt nøgd med utsikta

og det var stas med bilete av alle barna

men desse hendene stussa minsten over, ei god stund

Så derfor tok vi t-bana fram og attende. Minsten ville leiast inn og ut av bana. Eg nekta.

Etter at vi kom heim øvde vi litt.

– Kan du seie BØ? BØ, svarte minsten

– Kan du seie MAT?, MAAAAT, svarte minsten

– Kan du seie BARNEHAGE?, BÆSJ, svarte minsten

 

Kommenter innlegget

Filed under pappaperm

Pappaperm dag 11

Sjå kor stor eg er blitt!

Derfor feira sønene mine og eg med pannekaker til frukost.

Og så måtte den yngste sonen teste barnehagen til den eldste sonen

Og så besøkte vi Grønland

Der hadde det komme nye nettsider på student.no

Og så henta den yngste storebroren sin på «scotteren».

Og heime hadde kjærasten laga bursdagspai

2 kommentarar

Filed under pappaperm

Pappaperm dag 6

Heime med to ungar i dag. Typisk barnehagen å legge planleggingsdagen i veka. Vel, lang frukost, om ikkje anna.

Mens den eine ungen støvsugar opp etter frukost…

…er den andre ute og forberedar seg til snøballkrig mot dei andre ungane i nabolaget. (Dei er tydelegvis ikkje ramma av planleggingsdag i dag). Etter nokre timar intens jobbing er det gravd fram mangen underjordiske gongar og eit stort lager med harde snøballar er pakka og klare.

Vinnaren av snøballkrigen vant ei lausbikkje. Vinnaren var, sjølvsagt, junior.

Lausbikkja kunne brukast til kveldskosen for den aller minste. Bra for oss. Sikkert bra for lausbikkja også.

Kommenter innlegget

Filed under pappaperm

Pappaperm dag 4

Vi testa ut mykje nytt i dag, vi to.

Fyrst testa vi Facebook Places og fortalte alle kor vi var.

Og så testa vi ut åpen barnehage på Grønland. Med barn i åpen barnehage får ein ofte følgjande spørsmål:

  1. Kven er barnet ditt?
  2. Kva heiter han?

Eg hadde ein god dag og prøvde ut forskjellige svar:

  1. Eg peikte på forskjellige barn på spørsmål om kven som var min. Det vart litt kaos til slutt. Litt pinlig når eg peikte på barnet til den som spurte.
  2. På spørsmål om kva barnet mitt heiter fekk eg testa ut litt forskjellig: Frank-Roger, Kåre-Johan, Nan og Pokus.

Folk reagerar forskjellig

    Etter litt mat måtte vi jobbe litt. På Høgskolen i Oslo gjekk vi på møte om sosiale medier. Før vi gjekk på møte måtte vi teste ut sosiale medier litt til.

    Og så vinka vi til kongen på veg heim.

    Éin kommentar

    Filed under pappaperm