Kva er sjarm?

L

I ei av bøkene om Pulverheksa tar Tyven sjarmen til Drømmeprinsen. Men mot slutten av boka ordnar Pulverheksa opp og Drømmeprinsen får att sjarmen sin. Sonen på snart fire ser på teikninga av Drømmeprinsen og kan ikkje sjå at sjarmen er på plass.

– Kor er sjarmen, pappa? Eg ser ikkje sjarmen? Kva er sjarmen? spør han.

Og eg lurer på kor leserettleiinga for foreldre er. For sjarm er ikkje noko enkelt ord å forklare for ein gut som snart fyller fire.

Sjarm, guten min, sjarm er det du må ha for å få deg kjæraste, seier eg.

– Kor kan eg skaffe meg litt sjarm, pappa? spør sonen. Eg vil ha kjæraste.

– Sjarm er noko du er født med, gode son, på same måte som øyrene dine, hjerta ditt og tankane dine, prøver eg meg.

– Men kor er sjarmen på meg? spør han attene.

 

Han kjem ikkje til å gi seg før han står der med ein pose sjarm som han kan legge i hylla si saman med dei ande leikene. Eg skjønnar at klokka er seint og eg skal slite med å komme til botn av denne saka.

– Gode gut, sjarmen din kjem til syne når du oppfører deg bra, er snill mot andre, leverar fine smil, er hjelpsam, kreativ og litt morosam, prøver eg meg.

Dette burde sette han ut av spel. Eg håpar med dette at sjarmballen er dau og lufta på god veg ut.

– Men kor kjem sjarmen? i munnen? spør han attende.

– Den kjem over heile deg, heile deg blir fylt med sjarm, svarar eg mens eg skrur på datamaskina for å finne hjelp.

 

Caplex snakkar om tilltalande og vinnande vesen. To ord som sonen heller ikkje vil godta. Wikipedia snakkar om charm som karisma – og så brukar dei ei heil rekke engelske ord som eg ikkje skal byrje å oversette til sonen.

 

Eg ber han legge seg og håpe på det beste.

– Kan hende du er heldig i natt, sonen min, kan hende du vaknar i morgon og er full i sjarm, seier eg på veg ut av rommet for å dyrke min eigen sjarm.

Advertisements

Éin kommentar

Filed under meiningar

One response to “Kva er sjarm?

  1. Oj,..du har havna ut på ein kronglete veg 😉
    Eg har sjøl lese Pulvarheksa for gutten min, som er 6 år gammel. Eg fekk ikkje så mange refleksjoner som du. Eg trur boka var en nedtur etter å ha lest ei bok av Reidar Kjelsen, om fis og promp.
    Sjarm er nåke babyer forstår, og dei vet hva som skal til: et smil, et glimt eller ei latterkule. Seinere er det vel lettere å samenlikne sjarm med attitude. Den umiddelbare følelsen man får når man tar på seg et par kule solbriller? Men en ting er i alle fall sikkert: ingen kan være sjarmerende hele tiden og det er ulike oppfatninger om hva som er sjarmerande.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s