Barnehageplass

Det er mykje spennande med våren. Kjem snøen til å smelte? får vi oppleve varme på nytt? blir plenen grøn i år også? passar kortbuksene?

Noko av det mest spennande er spørsmålet om barnehageplass. Får vi barnehageplass? kor får vi barnehageplass? eller må vi berre levere minsten tilbake der han kom frå?

I går fekk vi barnehageplass og minsten og broren til minsten smilte breit frå det eine øyra til det andre.

Våren er kommen, sommaren er planlagt og hausten er redda. Kan ikkje bli mykje betre!

Kommenter innlegget

Filed under Uncategorized

Lunsj i pappapermisjon

Dagens lunsjtest: Er det best med krydder under eller over osten?

2013-04-30 13.37.02-2

Kommenter innlegget

Filed under bilde, pappaperm

Heimetrening

Kommenter innlegget

Filed under dele, pappaperm, video

Korleis gjere ting litt lettare

Det er lettare å bæsje på do når ein kan holde traktoren i den eine handa og ein legokloss i den andre.

Det er lettare å ete opp maten når ein får beskjed om at det ikkje er lov å ete mat på dagar som har bokstaven “d” i seg.

Det er lettare å pusse tennene med solbriller på.

Bilde

Det er lettare å kle på seg sjølv når det er ein overhengane trussel om at naboen snart kjem for å sette fyr på alle kleda som ligg strødd rundt.

Det er lettare å drikke tran når ein trur det er tigerpiss.

Kommenter innlegget

Filed under pappaperm

helsestasjonen

– Kan jeg hjelpe deg med å kle av gutten din? spør ei av dei som jobbar på helsestasjonen.

– Nei takk, eg klarar å ta av han kleda, svarar eg.

– Jeg ville ikke tatt av han bodyen på den måten, fortsetter dama.

– Det går nok bra, svarar eg. Det skal meir til for å røske av han hovudet, det sit ganske godt på.

– Er mammaen din på jobb og du hjemme med pappaen din alene? spør ho Sjur. Sjur berre ser dumt på ho.

– Det er så hyggelig at menn kan ta litt ansvar hjeme, ropar ho ut slik at alle på helsestasjonen får med seg innlegget om likestilling.

– Halleluja, svarar eg. Neste like høgt.

– Jeg kan veie han for deg, menn klarer ofte ikke få ungen til å sitte stille lenge nok, fortsetter dama.

– Det går bra. Vi får til det meste, svarar eg ganske irritert. – Men du kan få skifte bleia hans etterpå, det er jo kvinnfolkarbeid.

4 kommentarar

Filed under pappaperm

Vår og pappapermisjon

Det er vår og traktoren vil ut av hiet. Vi har både pussa, smurt og dytta den i gang i dag.

Bilde

Kommenter innlegget

Filed under pappaperm

Fortsatt i pappapermisjon

I dag skjeddde det noko veldig rart. Vi var ferdig med middag, klokka slo seks, det var tid for barneteve. MEN, begge dei to eldste gutane såg på meg og spurte unisont – Kan vi heller sitte ved bordet og teikne?

Eg mista munn og mæle, tenkte meg ikkje om og skulle til å svare – NEI! No er det barneteve-tid. Men eg henta meg innatt, satte fram teiknesakene, lot teveen stå straumlaus og observerte tre konsentrerte barn ved bordet som skulle teikne både det eine og det andre.

Bilde

Til slutt måtte eg be dei legge seg og sove. Eit eller anna skjedde i påsken.

Éin kommentar

Filed under pappaperm

Enkelte folk og pappapermisjon

Kvifor må enkelte trykke 8 gonger på knappen som skal åpne døra på t-bana? det holdt med ein gong sist eg prøvde.

Kvifor må enkelte tenne på sigaretten inne i bussen, fem sekund før dørane blir åpna?

Kvifor må enkelte rope høgt når øyra mitt er like ved?

Kvifor må enkelte dytte meg for å komme fram? eg kunne ha dytta dei same enkelte mykje hardare fordi eg er både høgare og sterkare.

Kvifor kan ikkje enkelte oppføre seg?

 

Det har vore litt travelt i dag, kan du seie.

 

Kommenter innlegget

Filed under pappaperm

Sekstende dag i pappapermisjon

Bilde

I dag har eg delt ut kake til blide folk på HiOABilde

I mens rydda minsten på kontoret,Bilde

og åt opp gamle visittkort

Bilde

 

Éin kommentar

Filed under pappaperm

Femtende dag i pappapermisjon

Førre veke fant Google ut at dei skulle legge ned Google Reader. Eg treng oppdatert informasjon, levert til meg, på alle dippeduttar, til ein kvar tid. Dette viste minsten. Han viste at eg trengte tid på å finne ut av ting. Han gav meg tida. Han valgte å sove det meste av dagen.

No har eg funne ein erstatning. Feedly tar over jobben og leverar varene. Minsten har stått opp og fått maten han treng og vi kan komme oss ut i sola.

 

Kommenter innlegget

Filed under pappaperm