Eg saknar ein indeks for tid. Grunnen til dette saknet er at eg ønskjer å kjøpe litt ekstra tid, i tillegg til dei 24timane eg har fått utdelt. På same måte som vi har indeksar for olje, gull, havre og Big Mac treng vi ein indeks for tid. Har vi ein indeks veit vi til ein kvar tid kva tid kostar. Det burde komme ein internasjonalt standard på kva ein time er verd. Det er med andre ord på tide å få tida på børs.

(From Flickr by ToniVC (CC))

Tenk om eg kunne vakne, hente meg ein kopp kaffi, bla opp i Aftenposten og finne ut at i dag kostar ein norsk time 153kr, to prosentpoeng opp frå i går. Samtidig kunne eg lese at ein amerikansk time har tapt seg i verdi i forhold til ein europeisk time. Grunnen til dette verditapet er at det kvite hus har sløsa med tida. Når vi får tida indeksert og på børs kan eg til ein kvar tid vurdere om eg skal investere i nokre ekstra timar. Slik som i dag, då eg vakna, hadde eg intenst behov for nokre timar ekstra. Den ekstra tida kunne ein, til dømes, selje over disk som skrapekort. Ein kunne ha skrapekort med verdiane 1, 2, 5 og 10 ekstra timar. Tida er for statisk, slik det er organisert i dag. Vi treng i større grad dynamisk tid.

Det er sommar og tid for reprise. Dette blogginnlegget vart fyrst skrive 8. november 2005 på min gamle blogg “The little family blog“.

ein blogg skal aldri byrje om at ein bloggar for lite eller at det no er lenge sidan sist ein har blogga.

ein blogg skal helst ikkje byrje som ein blogg, men finne seg til rette i eit bloggrammeverk av det finaste slaget og helst stikke seg ut slik at klikk-statistikken gjer ein sjølv stolt som ein hane.

Eg har byrja på ein ferie. Kan hende eg trengte det no. Etter fram og attende og ein busstur saman med junior, er eg trygt plassert heime hos mor og far. Her får eg fleire overdosar frisk luft, god mat og fleksitid. Her får eg klyppe hekken, måke slam, plukke bær, køyre pickup og leike.

Kan hende eg er for gammal for det meste, og for ung (i sinnet) for alt det andre som ikkje er det meste. Kan hende ein ikkje burde vere så veldig naiv. Eg trur likevel sommaren vil varme godt opp, legge til rette og gjere hausten klar for fleire utfordringar.

Min gode venn Håvard Eide (@eide) har samla saman ein del politiske RSS’ar på ei eiga side – politikken.info. RSS’ane er henta frå partia sjølv, media og politikarar på Twitter. På sida kan ein til dømes hente ut ein eigen Politikere-på-Twitter-RSS. Twitterlista er henta frå denne oversikta eg har laga på denne bloggen.

Eide tek stadig imot nye idear på korleis han kan utvikle sida.

Kanskje ein burde kunne kommentere dei enkelte elementa som kjem inn? Sortere etter parti? Hente inn kommentarar som kjem på dei politiske bloggane?

… å lese denne artikkelen frå Ordlysten. Drammens Tidene har komme fram til nokre retningslinjer for god nettredigering. Her har alle som skriv for nett mykje å lære

Ordlysten

Ingeborg Volan bak bloggen Ordlysten har satt i gang ei kåring av årets beste tittel på nett. 

Hvem som helst kan nominere en tittelkandidat. Det gjør du på denne måten:

1. Registrer deg på bokmerketjenesten Delicious
2. Lag et bokmerke på sak eller blogginnlegg du mener skal være kandidat
3. Gi dette bokmerket taggen (merkelappen) “åretstittel”

Eg oppfordrar sjølvsagt alle til å hive seg rundt. Det finst sjølvsagt meir enn nok å ta tak i på den o’store veven

Nytt angrep på Ari Behn

… må berre vere (ta-da) www.finnerikvinje.no. Finn-Erik veit å få merksemd. Han skriv i utgangpunktet ein god fagleg blogg som tek føre seg språk. Og så, heilt plutselig, hiver han seg rundt og tar fullstendig av mot fam Behn.

Gode Finn-Erik:

Morosam lesing og lukke til med auka trafikk på bloggen. Måtte det norske språk leve evig.